Lucas Moura, leikmaður Tottenham, var nálægt því að ganga í raðir Manchester United árið 2013.
Lucas var þá einn efnilegasti leikmaður heims en hann samdi á endanum við Paris Saint-Germain og síðar Tottenham.
,,Ég var mjög nálægt því að semja við Manchester United, þegar Ferguson var ennþá þarna,“ sagði Lucas.
,,Við áttum samtal en ég ákvað að velja PSG. Ég eyddi fimm frábærum árum þar, ég vann mikið og lærði mikið. Ég sé ekki eftir neinu.“
,,Þrátt fyrir erfiða og slæma tíma þá sé ég ekki eftir neinu því ég þroskaðist og lærði mikið.“
