Jadon Sancho ætlar að hafna öðrum félögum til að ganga í raðir Manchester United í sumar. Enska blaðið Mirror segir frá.

Sancho er 19 ára enskur kantmaður sem hefur átt tvö frábær tímabil með Borussia Dortmun.

Hann vill yfirgefa félagið í sumar og Dortmund hefur sætt sig við það, félagið vill um og yfir 100 milljónir punda fyrir hann.

Sancho var áður hjá Manchester City en Mirror segir að Sancho ætli að hafna City og fleiri liðum til að ganga í raðir Manchester United.

United telur að Sancho geti orðið stjarna félagsins innan sem utan vallar, hann gæt farið í treyju númer 7 og fengið yfir 200 þúsund pund á viku.

United ku ætla að styrkja sig í sumar en ensk blöð hafa talað um að Ole Gunnar Solskjær fái yfir 200 milljónir punda til að versla.