Dr. Phil fékk til sín heldur áhugaverðan gest á dögunum. Mann sem telur sig vera vélmenni (e. cyborg) úr framtíðinni.
Maðurinn, Oren, er 24 ára og býr heima hjá móður sinni. Móðir hans kemur einnig með honum í þáttinn til Dr. Phil. Hún segir að síðastliðin tvö ár hefur sonur hennar haldið því fram að hann sé vélmenni og hreyfir sig og talar sem slíkt.
Dr. Phil hefur birt nokkrar klippur úr þættinum á YouTube. Myndböndin hafa fengið gríðarlega athygli, samtals rúmlega tólf milljón áhorf.
Oren heldur því fram að hann komi frá árinu 2050.
„Hann talar í fleiritölu, allt er „við,“ hann hefur ekki sagt „ég“ í rúmlega ár,“ segir móðir hans.
„Hann trúir því að hann sé hérna til að bjarga plánetunni.“
Systir Oren kemur einnig fram í þættinum.
„Ég held að það sé eitthvað að honum […] Ég held að það hafi kannski eitthvað gerst í háskólanum sem varð kveikjan að þessu (e. trigger),“ segir hún.
Hún segir að hann hafi verið mjög skemmtilegur og orkumikill og þau hafi farið oft saman á ströndina.
Dr. Phil gefur Oren síðan ráð um næstu skref.