Mino Raiola, umboðsmaður Paul Pogba hefur ákveðið að biðjast afsökunar á færslu sinni í gær

Það eru enn á ný læti í kringum Pogba og Raiola umboðsmann hans, þeir félagar gera nú allt til þess að tryggja að Pogba fari frá Manchester United í sumar. Miðjumaðurinn hefur viljað fara frá United í rúmt ár.

Pogba hefur spilað örfáa leiki á þessu tímabili en hann er frá vegna meiðsla, Raiola vill taka Pogba frá United í sumar en þangað kom hann árið 2016.

Sir Alex Ferguson, stjóri Manchester United þoldi ekki Raiola og hans vinnubrögð. Þeir rifust harkalega þegar Pogba fór ungur að árum frítt frá United til Juventus. ,,Þú getur ekki átt manneskju hvar sem er í heiminum. Ég vona að Solskjær sé ekki að gefa í skyn að Pogba sé fangi. Áður en Solskjær tjáir sig um það sem ég segi þá ætti hann að kynna sér samhengið betur,“ sagði Raiola í gær en áður hafði Ole Gunnar Solskjær sagt að Pogba væri í eigu Manchester United.

Í viðtali við Sky Sports sem birtist í dag kemur fram að Raiola sjái á eftir færslu sinni, hann hafi ekki ætlað sér að vanvirða Manchester United. Tímasetningin, rétt fyrir leik hjá félaginu hafi verið röng.

Coming up shortly on @SkySportsNews we hear from agent Mino Raiola. He regrets timing of social media post last night. Didn’t intend to disrespect United. Chats Pogba, Solskjaer & on criticism he says “If you are a good horse it doesn’t mean you’re a good jockey.” #mufc

— Paul Gilmour (@skysportspaulg) February 18, 2020