Arsene Wenger, fyrrum stjóri Arsenal, hefur svarað Unai Emery sem var rekinn frá félaginu fyrr á tímabilinu.

Emery var rekinn eftir erfitt gengi á leiktíðinni en hann entist ekki í meira en eitt og hálft ár hjá félaginu.

Spánverjinn vildi meina að hann hefði tekið við Arsenal þegar liðið var á niðurleið eftir dvöl Wenger.

,,Árið 2017 þá náðum við 75 stigum og unnum FA bikarinn svo það er ekki hægt að segja að við höfum verið á niðurleið og árið áður þá lentum við í öðru sæti,“ sagði Wenger.

,,Árið 2018 var mitt síðasta ár hjá félaginu en það var erfitt að kveðja þannig.“