Todd Cantwell, miðjumaður Norwich er leikmaður sem Jurgen Klopp stjóri Liverpool vill kaupa í sumar. Thet Athletic segir frá.
Cantwell er 21 árs gamall og hefur vakið athygli í liði Norwich á þessu tímabili, liðið er að falla úr ensku úrvalsdeildinni en Cantwell hefur staðið sig með ágætum.
Manchester City, Tottenham og Manchester United hafa einnig áhuga. Liverpool hefur rætt mikið við Norwich síðustu daga um kaup á Cantwell, samkvæmt Athletic.
Cantwell er kröftugur miðjumaður en Liverpool missir líklega Adam Lallana í sumar og gæti Cantwell fyllt hans skarð.
Talið er að Norwich vilji fá í kringum 30 milljónir punda fyrir Cantwell.
