Miðjumaðurinn Allan verður ekki með Napoli sem spilar við Cagliari á mánudaginn í Serie A.
Þetta hefur Gennaro Gattuso, stjóri Napoli, staðfest en Allan er mjög mikilvægur leikmaður Napoli.
Hann er þó ekki meiddur heldur æfði illa fyrir helgi og var Gattuso óánægður með viðhorf miðjumannsins.
,,Arek Milik er að glíma við hnémeiðsli. Hirving Lozano er með vöðvameiðsli og Kalidou Koulibaly er ekki 100 prósent,“ sagði Gattuso.
,,Allan æfði ekki eins og ég vildi. Hann var að labba um á æfingunni og ég tek það ekki í mál.“
