Manchester City mun ekki taka þátt í Meistaradeild Evrópu næstu tvö tímabilin eftir tilkynningu UEFA í kvöld.
UEFA er búið að dæma City í tveggja ára bann eftir að Englandsmeistararnir brutu fjárlög.
City þarf einnig að borga 30 milljónir evra í sekt en ætlar þó að fara með málið lengra og berjast fyrir sínu.
Líklegt er að þessi dómur fái að standa og mun það þýða að fimmta sæti ensku úrvalsdeildarinnar mun gefa Meistaradeildarsæti.
City er í öðru sæti deildarinnar þessa stundina en ef liðið endar þar til dæmis þá fer það liðið í fimmta sæti sem fer í deild þeirra bestu.
Wolves, Manchester United, Everton, Tottenham, Sheffield United og Chelsea eru öll nálægt fimmta sætinu og verður baráttan því enn harðari en áður.
