Hakim Ziyech mun ganga í raðir Chelsea í sumar, þetta fullyrðir hollenska blaðið AD og segir að samkomulag við Ajax sé í höfn.

Þar segir að kantmaðurinn knái frá Marokkó yfirgefi Ajax í sumar og haldi til Lundúna.

Þar segir að Chelsea greiði 40 milljónir evra til að byrja með en veglegar bónus greiðslur eru svo í boði.

Bæði Pedro og Willian fara frá Chelsea í sumar og því vill Frank Lampard fá inn kantmann, koma Ziyech bendir til þess að félagið muni ekki reyna að kaupa Jadon Sancho frá Dortmund.

Fleiri félög hafa horft til Ziyech sem hefur verið frábær með Ajax síðustu ár.