Jurgen Klopp á ekki skilið að vinna verðlaunin knattspyrnuþjálfari ársins á Englandi að mati Lee Dixon.
Dixon er fyrrum leikmaður Arsenal en hann vill sjá Chris Wilder taka við verðlaununum í lok tímabils.
Wilder er stjóri Sheffield United en nýliðarnir eru óvænt að berjast um Evrópusæti í dag.
,,Það er hægt að rökstyðja það að hann hafi gert betri hluti en Jurgen Klopp,“ sagði Dixon.
,,Það er eins og þeir andi harðri vinnu þarna, þú verður að vera með það. Það er ekki eitthvað sem þú færð hrós fyrir.“
,,Hvernig þeir spila, þeirra leikplan, það hefur komið mörgum á óvart. Ég tel að hann eigi skilið toppsætið á listanum.“
