Jurgen Klinsmann hefur sagt upp störfum sem knattspyrnustjóri Hertha Berlin í Þýskalandi.
Frá þessu er greint í kvöld en Klinsmann var aðeins ráðinn til starfa hjá félaginu í nóvember í fyrra.
Klinsmann fékk það verkefni að koma Hertha úr fallbaráttu og er liðið sex stigum frá 16. sætinu að svo stöddu.
Þrátt fyrir ágætis gengi hefur Klinsmann ákveðið að stíga til hliðar eftir tíu vikur í starfi.
Hann telur sig ekki fá fullan stuðning frá stjórn Hertha og kveður því mjög snemma.
