Stjórn Roma er ekki ánægð með stjórn Manchester United í dag vegna varnarmannsins Chris Smalling.
Smalling var lánaður frá United til Roma í sumar og hefur staðið sig mjög vel hingað til á Ítalíu.
Í sumar fékk Roma þau skilaboð að Smalling yrði fáanlegur á 12 milljónir punda eftir leiktíðina.
Eftir að hafa heillað á Ítalíu þá hefur United hins vegar ákveðið að hækka verðmiðann í 17 milljónir.
Það fer ekki vel í stjórnarformenn Roma sem gætu hætt við að semja við leikmanninn endanlega.
Smalling stóðst ekki væntingar síðustu tvö tímabil á Englandi en hefur náð að sýna sitt besta á Stadio Olimpico.
