David Moyes, stjóri West Ham, vonar að Declan Rice fari ekki sömu leið og Wayne Rooney gerði á sínum tíma.

Rice er gríðarlega efnilegur leikmaður en hann er 21 árs gamall og fær að spila alla leiki hjá West Ham.

Moyes þekkir það vel að missa unga leikmenn í stærri lið eins og Rooney til Manchester United árið 2004.

,,Það er mikil ábyrgð á herðum Declan eins og er og hann er sá sem mun taka við af Mark Noble þegar hann hættir,“ sagði Moyes.

,,Oft þegar þú ert að byggja upp lið þá þarftu að selja. Ég vona að sagan með Declan sé ekki sú sama og með Joleon Lescott og Wayne Rooney hjá Everton.“

,,Liðið varð þó betra á þeim tíma því við náðum að kaupa réttu leikmennina til að leysa þá af hólmi.“