Nigel Winterburn, fyrrum leikmaður Arsenal, varar félagið við því að fá Adam Lallana næsta sumar.
Lallana er orðaður við Arsenal þessa dagana en hann verður samningslaus hjá Liverpool eftir leiktíðina.
Meiðsli hafa sett stórt strik í reikning Lallana síðustu ár og gæti það komið niður á Arsenal.
,,Lallana er leikmaður sem mér líkar mjög vel við en hann hefur meiðst svo oft,“ sagði Winterburn.
,,Þegar þú ert að horfa á leikmenn fyrir byrjunarliðið eða til að bæta í hópinn þá þarftu að vanda þig verulega.„
