Lengjubikarinn er farinn af stað árið 2020 en tveir leikir fóru fram í kvöld í fyrstu umferð.
Í A deild í riðli 1 áttust við Breiðablik og Leiknir R. en þeim leik lauk með 3-1 sigri Breiðabliks.
Thomas Mikkelsen gerði tvö mörk fyrir Blika og Gísli Eyjólfsson eitt. Vuk Oskar Dimitrijevic gerði eina mark Leiknis.
Aðeins seinna í kvöld spiluðu svo HK og FH í riðli 3 í A-deild og þar var eitt mark skorað.
HK gerði eina mark leiksins á 79. mínútu en að svo stöddu er ekki viss hver kom boltanum í netið.
