Manchester United hefur sent inn kvörtun vegna götublaðsins Sun sem er afar umdeildur miðill.
Nýlega mættu ofbeldismenn fyrir utan heimili Ed Woodward, varaformanns liðsins, með blys, flugelda og fleiri vopn.
Þar öskruðu þeir á Woodward og hótuðu til að mynda að drepa hann. Woodward er ekki vinsæll á meðal stuðningsmanna liðsins.
United hefur trú á því að Sun hafi vitað af árásinni áður en hún átti sér stað og hefur ákveðið að senda inn kvörtun.
BBC greinir frá þessu í kvöld en sem betur fer voru Woodward og hans fjölskylda ekki heima þegar árásin átti sér stað.
Árásin átti sér stað þann 29. janúar og voru blaðamenn Sun á staðnum þegar hún fór fram.
