Viðar Örn Kjartansson byrjaði sinn fyrsta leik fyrir lið Yeni Malatyaspor í Tyrklandi í kvöld.
Um var að ræða leik í tyrknensku úrvalsdeildinni en Viðar gekk í raðir félagsins í janúarglugganum.
Það byrjar ekki of vel hjá okkar manni en hann spilaði 55 mínútur í 0-1 tapi gegn Ankaragucu.
Leikurinn fór fram á heimavelli Malatyaspor en liðið tapaði gegn liði sem var í næst neðsta sætinu. Malatyaspor er í því tíunda.
Heimamenn spiluðu manni færri frá 49. mínútu leiksins sem hjálpaði ekki til.
