Gunnar Örvar Stefánsson skrifaði í dag undir tveggja ára samning við Knattspyrnudeild KA og er því klár í slaginn fyrir baráttuna í Pepsi Max deildinni í sumar. Gunnar sem verður 26 ára á árinu er stór og stæðilegur framherji sem hefur leikið með KA á undirbúningstímabilinu og staðið sig með prýði.
Gunnar er því snúinn aftur í KA en hann gekk uppúr yngriflokkum félagsins á sínum tíma og lék alls 37 leiki fyrir meistaraflokk KA í deild og bikar á árunum 2012-2014 og gerði í þeim sex mörk. Undanfarin ár hefur hann leikið með Þór og Magna þar sem hann lék 109 leiki og gerði þar 41 mark.
Við bjóðum Gunnar velkominn aftur í KA og verður ákaflega gaman að fylgjast áfram með honum í gulu treyjunni en baráttan í Lengjubikarnum hefst 15. febrúar næstkomandi þegar KA tekur á móti Fylki.
