Cristiano Ronaldo, fagnaði í vikunni 35 ára afmæli sínu en hann er enn í fullu fjöri innan vallar. Hann hefur verið öflugur með Juventus síðustu vikur.
Ronaldo hefur átt magnaðan feril en hann ólst upp við mikla fátækt og átti ekki von á því að vera moldríkur knattspyrnumaður.
,,Þegar ég var ungur átti ég von á því að vera 35 ára, fátækur sjómaður í Madeira,“ sagði Ronaldo en þar ólst hann upp.
,,Ég var ekki að fara að vera á bát sem fiskaði mikið eða var stór. Ég átti aldrei von á því að spila á meðal þeirra bestu og vinna það sem ég hef unnið.“
Ronaldo á eitt og hálft ár eftir af samningi sínum við Juventus en margir telja að hann ljúki svo ferlinum í MLS deildinni.
