Gazzetta dello Sport á Ítalíu segir frá því í kvöld að Manchester United sé að skoða það að reyna við Lionel Messi.
Messi þarf vart að kynna fyrir lesendum en hann hefur lengi verið einn besti ef ekki besti leikmaður heims.
Nú eru í gangi deilur á milli Messi og stjórnar Barcelona en hann má alltaf fara frítt frá félaginu eftir hvert einasta tímabil.
Það er ósætti á milli Messi og Eric Abidal, yfirmanns íþróttamála Barcelona og er óvíst hvernig það endar.
Það er ekki búist við að Messi sé á förum frá félaginu en miðað við frétt Gazzetta þá er United áhugasamt.
Messi er 32 ára gamall og yrði án efa launahæsti leikmaður heims ef hann fer til Manchester.
