Michael Verschueren, yfirmaður íþróttamála hjá Anderlecht, sér eftir því að hafa samið við Samir Nasri í sumar.
Nasri kom til Anderlecht á frjálsri sölu í sumar en hefur aðeins spilað fimm leiki vegna meiðsla til þessa.
Frakkinn var á mála hjá Manchester City og Arsenal á sínum tíma og er 32 ára gamall í dag.
,,Ef ég þyrfti að gera þetta aftur, myndi ég semja við Samir Nasri? Miðað við það sem við vitum, nei,“ sagði Verschueren
,,Við höfum miklar áhyggjur af kálfameiðslum Nacer Chadli. Ef við hefðum vitað af þessu hefðum við kannski gert þetta öðruvísi.“
,,Við höfum verið óheppnir. Við vildum að hann gæti spilað meira. Þú getur meiðst einu sinni en ef það gerist aftur þá er það ekki gott.“
