Það var hundleiðinlegt að æfa undir Maurizio Sarri hjá Chelsea segir miðjumaður liðsins, Mateo Kovacic.

Kovacic vinnur nú með Frank Lampard í London og segir að munurinn á þeim tveimur sé gríðarlega mikill.

,,Ég kom til Chelsea undir Sarri en ég verð að segja að Lampard er magnaður stjóri,“ sagði Kovacic.

,,Hann hefur haldið þeim eiginleikum sem hann var með sem leikmaður og persónuleikanum sem hvetur okkur alla áfram.“

,,Hann er trúr því sem hann er með. Æfingarnar eru alltaf áskorun og það er annað en á síðustu leiktíð.“

,,Það er aðal munurinn á Lampard og Sarri, undir Sarri voru æfingarnar hundleiðinlegar. Þær voru oft alveg eins og það var aðallega horft á taktíkina.“