Enskir miðlar greina frá því í kvöld að stjórn Arsenal íhugi að reyna að ráða Arsene Wenger til starfa á ný.

Wenger var stjóri Arsenal í heil 22 ár en hann vinnur í dag fyrir FIFA eftir að hafa yfirgefið Arsenal árið 2018.

Mikel Arteta er stjóri Arsenal í dag og vill stjórnin fá Wenger inn til að hjálpa Spánverjanum til að byrja með.

Wenger myndi sinna starfi á bakvið tjöldin en þjálfarabók hans er líklega komin í hilluna.

Frakkinn er sjötugur í dag en hann endaði feril sinn á ansi slæman hátt hjá Arsenal.

Hann sjálfur efast því um að það sé rétt að snúa aftur eftir mikið skítkast síðustu árin á Emirates.