Frank Lampard, stjóri Chelsea hefur fengið leyfi til þess að byrja að skoða hvernig hann getur styrkt Chelsea í sumar.

Félagið hefur ekki keypt leikmenn síðustu mánuði og fær Lampard samkvæmt enskum blöðum um 150 milljónir punda í leikmannakaup í sumar.

Það eru rúmuir 24 milljarðar króna sem Lampard getur notað til þess að styrkja Chelsea.

Sagt er að Jadon Sancho, kantmaður Dortmund sé þar ofarlega á lista en hann færi langt með að klára allt það fjármagn sem Lampard fær.

Sancho mun kosta meira en 100 milljónir punda en hann hefur verið magnaður með Dortmund í vetur.