Ef Steve McManaman fengi að ráða einhverju hjá Liverpool þá væri hann að reyna að kaupa Philippe Coutinho aftur til félagsins.
Coutinho vildi ólmur fara frá Liverpool í janúar árið 2018 og fékk það í gegn, Barcelona borgaði nálægt 140 milljónum punda fyrir hann. 18 mánuðum síðar var Coutinho lánaður til FC Bayern, hjá Barcelona gat Coutinho lítið.
Hjá Bayern hefur Coutinho ekki fundið sinn besta takt og ólíklegt að félagið kaupi hann næsta sumar.
,,Það gæti verið sniðugt að fá Coutinho tl baka,“ sagði McManaman.
,,Ég myndi ekki vera á móti því, hann er magnaður leikmaður en þetta færi eftir verðmiðanum. Ef það væri hægt að fá Coutinho á góðu verði og losa nokkra burt, þá myndi það ganga upp.“
,,Shaqiri er sagður vilja fara og Lallana gæti viljað spila meira, ef það er pláss þá tæki ég Coutinhoi. Hann getur breytt leik þegar plan A er ekki að virka.“
