Albin Ekdal, landsliðsmaður Svía, hvetur samkynhneigða kollega sína í knattspyrnuheiminum að koma út úr skápnum en það er alls ekki algengt í þeim heimi.
Það eru aðeins um átta leikmenn sem hafa opinberað kynhneigð sína en margir óttast áreiti frá stuðningsmönnum um allan heim.
Ekdal hefur áður tjáð sig um samkynhneigð í boltanum og skilur þó þá sem þora ekki að taka skrefið.
,,Í fullkomnum heimi þá myndi engum líða óþægilega með það að opinbera samkynhneigð, í þeirra daglega lífi eða fótbolta,“ sagði Ekdal.
,,Því miður er raunveruleikinn öðruvísi. Í okkar íþrótt hafa aðeins átta komið út úr skápnum, það er gríðarlega lítil tala.“
,,Það eru margir sem vilja gera það en óttast neikvæð viðbrögð. Þeir eru hræddir við áreiti innan sem utan vallar. Þess vegna þurfa þeir að fara í felur og lifa með ótta.“
