Harry Kane á möguleika á þvi að spila tvo síðustu leiki Tottenham á þessu tímabili, hann jafnar sig nú af alvalregum meiðslum aftan í læri.

Kane reif vöðva í læri svo svakalega að hann þurfti að fara í aðgerð, enskir knattspyrnuáhugamenn óttast að Kane missi af Evrópumótinu í sumar.

Jose Mourinho, stjóri Tottenham segir Kane eiga möguleika á því að spila síðustu leiki tímabilsins, það sé þó ekki öruggt.

,,Við gætum verið að berjast um fjórða, fimmta eða sjötta sæitð. Kannski þurfum hans hjálp þá, ég vona að hann verði klár,“ sagði Mourinho.

,,Það er ekkert bakslag, það gengur allt vel. Hann er í meðhöndlun, hann heldur áfram án pressu frá okkur.“