Það er enn möguleiki á að Edinson Cavani semji við Atletico Madrid í sumar samkvæmt móður hans, Berta Gomez.

Enrique Cerezo, forseti Atletico, skaut hressilega á Cavani og hans aðstoðarmenn á dögunum eftir að hafa reynt að fá hann í janúar.

Cerezo ásakaði Cavani um græðgi og vill meina að hann hafi viljað ótrúlega háar upphæðir til að semja við spænska félagið.

,,Það er ekki ómögulegt fyrir Edinson að fara til Atletico Madrid í sumar, svo lengi sem að forsetinn lagi það sem hann gerði,“ sagði Gomez.

,,Forseti Atletico þarf að biðjast afsökunar. Það er engin gremja í okkur og það er hægt að laga allt ef hann tekur þetta til baka.“

,,Sonur minn mun fá tilboð, það er pottþétt því hann hefur sannað sig sem framherji í mörg ár.“