Angel Di Maria, leikmaður Paris Saint-Germain, hefur tjáð sig um atvik sem kom upp um helgina.
Kylian Mbappe brást þá mjög reiður við er Thomas Tuchel ákvað að taka hann af velli gegn Montpellier.
Di Maria segir að Mbappe verði að átta sig á því að hann sé ekki eini leikmaður liðsins sem vill fá að spila.
,,Þetta er mjög erfitt. Enginn vildi fara af velli, allir vilja spila, það er eðlilegt,“ sagði Di Maria.
,,Kylian vill skora mörk en stjórinn ákvað að taka hann af velli. Það eru strákar á bekknum sem vilja koma inná og eru með gæði. Hann þarf að átta sig á því.“
