Marcos Rojo ákvað að fara heim til Argentínu í janúar og gerði lánssamning við Estudiantes.

Rojo spilaði með Estudiantes á sínum tíma en hann hefur undanfarin ár verið hjá Manchester United.

Hann fékk ekkert að spila á þessu tímabili og ákvað að lokum að samþykkja beiðni móður sinnar um að snúa aftur.

,,Það var margt sem spilaði inn í. Ég þarf að spila, komast í mitt besta stand. Fjölskyldan og gamla konan sögðu mér að snúa aftur,“ sagði Rojo.

,,Ég fékk mörg tækifæri til að semja við önnur félög en hvað er betra en að fara heim. Ég vonast til að snúa aftur á völlinn sem fyrst.“