Ole Gunnar Solskjær, stjóri Manchester United segist vera að rifa húsið niður til að geta byggt það aftur upp. Solskjær segist vera að byggja upp lið.

Ekkert hefur gengið hjá United í ár en Solskjær hefur losað sig við marga leikmenn og fengið nokkra inn í staðinn.

Hann segist vera að byggja upp nýtt lið og má búast við að fleiri fari í sumar. ,,Stuðningsmenn sjá alveg hvað við erum að reyna að gera,“ sagði Solskjær.

,,Við erum að byggja upp, ég varð að rífa húsið niður. Ég þurfti að losa menn sem höfðu varla áhuga á að vera hérna. Núna eru leikmenn hérna sem ganga alla leið fyrir liðið, það er sú breyting sem ég vil ná í gegn.“

Uppbygging Solskjær gengur hægt en ef árið 2020 er skoðað er United eitt lélegasta liðið deildarinnar, liðið er með fjögur stig úr fimm leikjum og væri í fallsæti. Á sama tíma hefur Liverpool sótt sér 18 stig í sex leikjum.