Anthony Martial, leikmaður Manchester United, fékk að heyra það í gær frá Paul Ince, fyrrum leikmanni liðsins.
Ince skilur ekki hvernig Martial fékk að spila allar 90 mínúturnar í markalausu jafntefli við Wolves.
Ince líkir Martial við gosdrykk sem er mjög spennandi til að byrja með en svo dregst úr því.
,,Ég trúi ekki að Martial hafi fengið að spila svona mikið. Ég hef alltaf kallað hann gosdrykk: Þú opnar dósina, froðan kemur upp og svo verður drykkurinn flatur,“ sagði Ince.
,,Það er nákvæmlega það sem við fengum að sjá í dag. Hann hefði aldrei átt að spila svona lengi.“
