Manchester United 0-0 Wolves
Síðasta leik dagsins í ensku úrvalsdeildinni er nú lokið en leikið var á Old Trafford í Manchester.
Lið United fékk Wolves í heimsókn í Evrópuslag en bæði lið reyna að komast í Meistara og Evrópudeildina.
Liðin voru jöfn stigum í sjötta og sjöunda sæti fyrir viðureignina og varð engin breyting á því í kvöld.
Það var ágætis ástríða á vellinum í Manchester en því miður fyrir áhorfendur voru mörkin engin.
Bruno Fernandes spilaði sinn fyrsta leik fyrir United í markalausu jafntefli og átti nokkrar fínar tilraunir.
