Carlo Ancelotti, stjóri Everton, hefur útilokað að sóknarmaðurinn Richarlison sé á förum til Barcelona.

Richarlison ku vera á óskalista spænska stórliðsins en hann er framtíð Everton að sögn Ancelotti.

,,Ég held að það verði ekki erfitt að standast freistinguna því það er nóg að segja nei,“ sagði Ancelotti.

,,Það eru engar líkur á að hann sé á förum því hann er mikilvægur fyrir framtíðina eins og aðrir ungir leikmenn – Jordan Pickford, Mason Holgate, Moise Kean, Dominic Calvert-Lewin.“

,,Við erum með marga unga leikmenn og félagið vill byggja fyrir framtíðina, Richarlison er hluti af því.“