Bakvörðurinn Antonee Robinson er ekki á leið til AC Milan á lokadegi félagaskiptagluggans.
Það voru allar líkur á að Robinson væri á leið frá Wigan til Milan en hann er 22 ára gamall varnarmaður.
Hann stóðst læknisskoðun á Ítalíu en Wigan ákvað að reyna að breyta skilyrðum skiptanna á síðustu stundu.
Það var því hætt við félagaskiptin sem er afar svekkjandi fyrir bandaríska landsliðsmanninn.
Robinson á að baki sjö landsleiki fyrir Bandaríkin og kom til Wigan endanlega frá Everton í fyrra.
