Roma hefur allan áhuga á því að halda Chris Smalling hjá félaginu og kaupa hann frá Manchester United.
Þetta hefur Gianluca Petrachi, yfirmaður íþróttamála félagsins, staðfest en Smalling er á láni hjá Roma frá United í dag.
,Það er möguleiki á því. Leikmaðurinn gerir það sem hann vill gera,“ sagði Petrachi.
,,Ef hann vill vera hér áfram þá tökum við glaðlega við honum endanlega. Við erum hæstánægðir með Smalling og hann veit það.“
,,Sambandið við Manchester United er frábært og tilfinningin fyrir þessu er mjög góð.“
