Nemanja Matic, leikmaður Manchester United, vill fá nýjan samning hjá félaginu en hann verður samningslaus í sumar.
Matic er 31 árs gamall en hann hefur ekki alltaf verið fyrsti maður á blað hjá Ole Gunnar Solskjær.
Hann hefur þó spilað vel undanfarið og gæti fengið nýjan samning hjá félaginu.
,,Ég er samningsbundinn þar til í lok tímabils. Ég er á æfingasvæðinu á hverjum degi og til í að ræða málin ef þeir telja að ég geti hjálpað. Ef ekki þá heldur lífið áfram,“ sagði Matic.
,,Það eru engar viðræður sem hafa átt sér stað en mín staða er mjög skýr. Það er ánægjulegt að spila fyrir þetta félag.“
,,Ég kom hingað til að vinna og ef þeir vilja halda mér þau auðvitað. Ég geri mitt besta til að vinna.“
