Villarreal á Spáni er búið að festa kaup á sóknarmanninum öfluga Paco Alcacer.
Alcacer er 26 ára gamall Spánverji en hann hefur undanfarið spilað með Borussia Dortmund.
Þrátt fyrir að hafa skorað mörg mörk sem varamaður þá náði Alcacer aldrei að festa sig í sessi sem aðalmaðurinn hjá þýska félaginu.
Hann skoraði alls 26 mörk í 46 leikjum með Dortmund eftir að hafa komið frá Barcelona árið 2018, upphaflega á láni.
Alcacer gerir fimm ára samning við Villarreal og kostar um 25 milljónir evra.
