Kevin de Bruyne, leikmaður Manchester City, skilur ekki hvernig félagið tapaði gegn Manchester United í gær.
De Bruyne lék með City sem tapaði 1-0 gegn United í enska deildarbikarnum en komst samt sem áður áfram í úrslitin eftir 3-1 sigur í fyrri leiknum.
City fékk ófá tækifæri til að skora mark í leiknum en eina markið gerði Nemanja Matic fyrir gestina.
,,Ég get ekki skilið hvernig við töpuðum þessum leik. Að mínu mati átti United ekki eitt tækifæri,“ sagði De Bruyne.
,,Við sóuðum allt of mörgum færum í dag. Við þurfum að læra af þessu en að lokum er gott að komast í úrslit.“
