Antonio Conte, stjóri Inter Milan, ætlaði ekki að spila miðjumanninum Christian Eriksen í gær.
Eriksen kom inná sem varamaður í 2-1 sigri á Fiorentina í bikarnum en hann kom aðeins til félagsins fyrir tveimur dögum.
Þrátt fyrir það fékk Daninn að spila og skoraði Inter sigurmark leiksins eftir hans innkomu.
,,Við ætluðum ekki að nota hann svona snemma, hann byrjaði aðeins að æfa í gær en Matias Vecino og Nicolo Barella voru einu miðjumennirnir til taks,“ sagði Conte.
,,Eriksen er karakter og hann mun bæta gæðin í hópnum. Ég vonast til að fá fleiri leikmenn til baka því miðjan er grönn.„
