Ray Parlour, goðsögn Arsenal, vill sjá félagið kaupa varnarmanninn Lewis Dunk frá Brighton.
Dunk er harður í horn að taka en hann er einn allra mikilvægasti leikmaður Brighton í öftustu línu.
Það þarf að styrkja vörn Arsenal og telur Parlour að Dunk geti gert það fyrir næsta tímabil.
,,Ég myndi veðja á leikmenn eins og Lewis Dunk. Er það áhætta? 30 eða 40 milljónir, myndi Brighton taka því, ég veit ekki,“ sagði Parlour.
,,Mér líkar við hvernig hann spilar, hann er alvöru hafsent. Stundum er það nákvæmlega það sem þú þarft.“
