Thomas Lemar, leikmaður Atletico Madrid, er ekki á förum frá félaginu í þessum glugga.
Þetta hefur stjórnarformaður Atletico, Gil Marin, staðfest en Lemar er endalaust orðaður við brottför.
Arsenal, Chelsea og Tottenham eru talin hafa áhuga á vængmanninum sem er samningsbundinn til ársins 2023.
Hann er þó ekki til sölu fyrr en mögulega í sumar og skiptir ekki um félag á næstu dögum.
,,Lemar er ekki til sölu. Það er ekki séns að hann muni skipta um félag,“ sagði Marin.
