Stuðningsmenn Manchester United urðu spenntir í nokkrar mínútur þegar enskir miðlar sögðu að Sander Berge, miðjumaður Genk væri að mæta í læknisskoðun hjá félaginu.
Berge er 21 árs gamall norskur miðjumaður en Sheffield United er að reyna að fá hann. Genk og Sheffield eru í viðræðum en Berge heillaði marga með Genk í Meistaradeildinni.
Það kom því mörgum á óvart þegar enskir miðlar sögðu að Berge væri mættur í læknisskoðun hjá United.
Mynd náðist af leikmanni að mæta í læknisskoðun á æfingasvæði United í dag en það er ekki Berge, talið er að þetta sé ungur markvörður sem fer í varalið félagsins.
United er að reyna að styrkja lið sitt og reynir félagið að fá Bruno Fernandes, áður en glugginn lokar á föstudag.
