Georginio Wijnaldum, leikmaður Liverpool, er opinn fyrir því að yfirgefa félagið í framtíðinni.
Wijnaldum var spurður út í eigin framtíð í gær en hann veit ekki hvort hann fái nýjan samning á Anfield.
Vegna þess er Hollendingurinn ekki að útiloka neitt og vill ekki gefa of mikið út um hvað hann vill gera í framtíðinni.
,,Hvað vil ég? Það er erfitt að segja. Það veltur á hvað félagið vill og hver staðan er á þeim tíma,“ sagði Wijnaldum.
,,Við sjáum til. Anfield er eins og mitt heimili. Ég einbeiti mér bara að því að enda tímabilið vel.“
