Kyliano Mbappe myndi alltaf íhuga það að ganga í raðir Liverpool ef liðið er tilbúið að greiða tæplega 300 milljónir punda.

Frá þessu greinir blaðamaðurinn virti Julien Laurens sem starfar fyrir French Football.

Mbappe er aðeins 21 árs gamall en hann er þrátt fyrir ungan aldur einn allra besti framherji heims.

,,Þetta er ansi einfalt. Ef Liverpool getur borgað 253 milljónirnar eða 295 milljónir með bónusum, sem er upphæð sem PSG mun biðja alla um,“ sagði Laurens.

,,Ef Liverpool hefur efni á því og laununum sem hann vill þá mun hann íhuga það tilboð alla daga vikunnar.“

,,Já Real Madrid er draumurinn hans og það er nánast öruggt að hann muni spila þar einn daginn.“

,,Staðreyndin er að hann myndi líka vilja spila í ensku úrvalsdeildinni einn daginn.“