Lauryn Goodman, fyrirsæta í Bretlandi á von á barni með enskum landsliðsmanni sem er ekki nefndur á nafn. Þetta kemur fram í enskum blöðum en ekki gafst leyfi til að nafngreina hann.

Goodman er þekkt fyrirsæta í Bretlandi, en knattspyrnumaðurinn hafði verið að halda framhjá kærustu sinni. Hann og Goodman höfðu verið að hittast um nokkrt skeið þegar hún varð ófrísk, óvænt en skemmtileg tíðindi.

Sagt er að landsliðsmaðurinn hafi hætt með kærustu sinni eftir atvikið og að samband hans og Goodman sé gott þessa dagana, þau ætli að gera það rétta fyrir barnið sem á að fæðast í apríl.

,,Þetta kom þeim á óvart, þau ætla að gera það rétta fyrir barnið. Þau hafa þekkst í mörg ár,“ sagði heimildarmaður enskra blaða.