Manchester United er búið að gefast upp á að fá miðjumanninn Bruno Fernandes í janúar.
Þetta kemur fram í frétt Independent en Fernandes hefur mikið verið orðaður við enska félagið í vetur.
Sporting Lisbon vill hins vegar fá of háa upphæð fyrir miðjumanninn sem verður líklega áfram í Portúgal þar til í sumar.
Independent greinir einnig frá því að United sé nú aðeins að horfa til Leicester og vill fá James Maddison.
Maddison er á mála hjá Leicester City en hann hefur verið frábær á þessu tímabili.
Leicester hefur engan áhuga á að selja leikmanninn en gæti neyðst til þess fyrir rétta upphæð.
