Jermaine Pennant, fyrrum leikmaður Liverpool og Arsenal, var gestur á Sky Sports í morgun.

Pennant var fenginn til að ræða félagaskiptagluggann sem og fleiri mál en var fjarlægður úr beinni útsendingu.

Á meðan Pennant var að ræða skipti Romelu Lukaku til Inter Milan þá var hann óskýr og gaf undarleg svör.

Talað er um að hann hafi mögulega verið drukkinn í útsendingunni og var því rekinn burt.

Það kom áhorfendum á óvart þegar Pennant var óvænt horfinn en í hans stað kom inn blaðamaðurinn David Reed.

Pennant er 37 ára gamall í dag en hann hefur margoft komist í vandræði á sinni ævi.