Marouane Fellaini hefur útilokað það að hann sé á leið aftur til Englands til að spila fyrir Jose Mourinho.
Mourinho er í dag stjóri Tottenham en hann og Fellaini voru góðir vinir er þeir voru saman hjá Manchester United.
Belginn spilar í Kína í dag og hann er ekki að undirbúa skipti til Englands svo hann geti leikið aftur fyrir Mourinho.
,,Jose er sérstakur fyrir mig. Við sendum hvorum öðrum skilaboð og hringjum af og til,“ sagði Fellaini.
,,Hann er orðinn stjóri Tottenham og er að gera vel. Ég óska honum alls hins besta en ég er góður þar sem ég er.“
