Rio Ferdinand, goðsögn Manchester United, lét fyrirliða liðsins, Harry Maguire, heyra það eftir 2-0 tap gegn Burnley í gær.
Fyrsta mark Burnley kom eftir fast leikatriði en dekkingin hjá United var ekki upp á tíu og var vandræðagangur innan teigs.
,,Þið vitið að þeir eru góðir í föstum leikatriðum. 44 prósent af mörkunum sem þeir hafa fengið á sig er eftir fast leikatriði. Það er glatað,“ sagði Ferdinand.
,,Einhver þarf að vera leiðtoginn í þessu liði og stjórna. Maguire, þú ert fyriliðinn, sinntu því starfi.“
,,Þeir eru allir að dekka einstaklinga. Vandamálið liggur ekki í fyrsta boltanum. Við sjáum Nemanja Matic hoppa upp í boltann og Ben Mee og James Tarkowski eru þarna.“
,,Þetta er seinni boltinn. Hvert er hann að horfa? Hvað ertu að gera þarna, Maguire?“
